Vatnajökulsþjóðgarður er þjóðgarður á Íslandi sem stofnaður var 7. júní 2008.
Vatnajökulsþjóðgarður er þjóðgarður á Íslandi sem stofnaður var 7. júní 2008. Þjóðgarðurinn var við stofnun yfir 12.000 km² að stærð eða sem samsvarar 12% af yfirborði Íslands og er stærsti þjóðgarður í Evrópu. Vatnajökulsþjóðgarður mun í fyrstu ná til alls þjóðgarðsins í Skaftafelli svo og þjóðgarðsins í Jökulsárgljúfrum auk nánast alls Vatnajökuls og helstu áhrifasvæða hans, að vestan, norðan, austan og sunnan. Meðal þess eru Tungnafellsjökull, Vonarskarð, Hágönguhraun og Veiðivatnahraun, vestan Vatnajökuls og Vesturöræfi, Snæfell, Eyjabakkar og hluti Hrauna, norðan Vatnajökuls. Land í Vatnajökulsþjóðgarði verður að mestu í eigu ríkisins. Stjórn Vatnajökulsþjóðgarðs sér um rekstur nokkurra friðlýstra svæða í nágrenni þjóðgarðsins, svæða sem í framtíðinni er reiknað með að verði hluti þjóðgarðsins. Gert er ráð fyrir að Vatnajökulsþjóðgarður muni stækka frekar á næstu misserum og árum og innan hans verði m.a. Langisjór.
Ríkisstjórn Íslands samþykkti þann 10. nóvember 2006 að leggja fram stjórnarfrumvarp um Vatnajökulsþjóðgarð. Frumvarpið var lagt fyrir Alþingi og samþykkt þar 28. mars 2007 og gekk í gildi 1. maí 2007.
Gestastofur verða meginstarfstöðvar þjóðgarðsins. Nú þegar eru tvær gestastofur innan þjóðgarðsins, í Ásbyrgi og í Skaftafelli. Fyrirhugað er síðan að opna gestastofur á fjórum öðrum stöðum: Mývatnssveit, Skriðuklaustri, Höfn, og Kirkjubæjarklaustri. Sumarið 2008 störfuðu um 40 manns í þjóðgarðinum við landvörslu á eftirfarandi landvörslustöðvum:
Herðubreiðarlindir, Drekagil við Öskju, Kverkfjöll, Hvannalindir, við Snæfell, á Lónsöræfumi, í Laka, í Hrauneyjum og við Nýjadal/Vonarskarði. Í framtíðinni er einnig fyrirhugað að koma á landvörslustöð á Heinabergssvæðinu.
Vatnajökulsþjóðgarður er ríkisstofnun sem lýtur sjö manna stjórn skipaðri af umhverfisráðherra. Fjórir af sjö stjórnarmönnum koma úr sveitarfélögum sem liggja að svæðinu, einn er fulltrúi umhverfissamtaka og formaður og varaformaður eru skipaðir af umhverfisráðherra án tilnefningar. Þórður Ólafsson er framkvæmdastjóri þjóðgarðsins. Anna Kristín Ólafsdóttir er formaður stjórnar þjóðgarðsins.
Vatnajökulsþjóðgarður · Þjóðgarðurinn Snæfellsjökull · Þjóðgarðurinn Þingvöllum</div> </div> </div>
Flokkur:LandafræðistubbarFlokkur:Íslenskir þjóðgarðar Flokkur:Vatnajökulsþjóðgarður
da:Nationalparken Vatnajökull de:Vatnajökull-Nationalpark en:Vatnajökull National Park es:Parque Nacional Vatnajökull et:Vatnajökulli rahvuspark pl:Park Narodowy Vatnajökull
ru:Ватнайёкюдль (национальный парк)