Mannlíf
Um 30 manns hafast við að staðaldri í þjóðgarðinum og hafa þeir um 110 hunda: [1]
- Daneborg (12), aðalstöð Sirius-sveitarinnar, þjóðgarðsverðir og hluti af sjóher Dana.
- Danmarkshavn (8), veðurathugunarstöð
- Station Nord (5), herstöð útibú Sirius-sveitarinnar
- Mestersvig (2), herstöð útibú Sirius-sveitarinnar
Lífríki
Áætlað er að milli 5000 til 15000 sauðnaut hafist við á strandsvæðunum í þjóðgarðinum auk fjölda ísbjarna og rostunga. Önnur spendýr eru meðal annars heimskautarefir, hreysikettir, læmingjar og heimskautahérar. Hreindýr mynduðu eigin undirtegund á norðaustur Grænlandi en þeim var útrýmt um aldamótin 1900. úlfum var útrýmt um 1934, en þeir hafa á síðustu árum aftur flutt inn á svæðið. Af sævarspendýrum innan þjóðgarðsins má nefna hringanóra, kampsel, vöðusel og blöðrusel auk náhvals og mjaldrar. Fuglategundir sem verpa á svæðinu eru fjölmargar meðal annars himbrimi, helsingi, heiðagæs, æðarfugl, æðarkóngur, fálki, snæugla, sanderla, rjúpa og hrafn.
