Ontaríóvatn er eitt af Vötnunum miklu og er þeirra austast og minnst; 18.960 ferkílómetrar. Það er umlukið kanadíska fylkinu Ontaríó í norðri, vestri og suðaustri en New York-fylki í suðri og austri. Ontaríó þýðir skínandi vatn á máli Írókesa-frumbyggja.
Frakkar urðu fyrstir Evrópubúa til að koma til vatnsins árið 1615. Styrja var veidd á svæðinu þar til fiskistofninn hrundi á 20. öld. Nú er þar frístundaveiði og innfluttar tegundir helst veiddar. Skógarhögg var einnig stundað við vatnið í miklum mæli.
Fyrirmynd greinarinnar var „Lake Ontario“ á ensku útgáfu Wikipedia. Sótt 1. nóv 2016.
